新年到e家，除左零聚會之外，工作上意料之外地未停過，近月更係每個星期出去，開始做唔同人既監製。
每次返歸都ok繁複，狂洗手，掉口罩，除眼鏡，電話銀包消毒，洗衫再快乾，洗人再快乾，漱口刷牙，然後食凍左一半既外賣。
無意同大家比較潔癖程度，只希望各位都安好。
另，疫情令一眾歌手回歸基本，告訴大家佢地既初衷。
佢係其中一位。
部份歌手近來 零演出，零工作，零收入，加上環境因素，佢地要面對既係咩境況，咩未來，相信大家自有定論。家家有本，藝人同市民各有所難，隨住狀況發展，大家會變得愈來愈近，界線會愈來愈模糊，但至少呢刻，你仍然會見到佢地努力過既痕跡。
每日無數既bad news令人哎呀哎呀哎哎呀哎呀哎呀哎呀呀，但，o係聽日既bad news未來之前，不妨好純粹地聽一首歌，趁仲有network俾你做決定。
Search